الثلاثاء، 29 ديسمبر، 2015

تذكرتك





الواحده بعد منتصف الليل...
اضاءه خافته..
أنا ومشروبى المفضل"الشاى الاخضر" نجلس سويا مع أنغام العندليب
استمع إليه... فى هدوء واستجمام....واسترخاء...ياللروعه

"..اهواك واتمنى لو انساك وانسى روحى وياك
..وان ضاعت تبقى فداك لو تنسانى.."
احبك ياعندليب...احب دفء صوتك واعشق تفاصيل آهاتك
اذوب بين حروفك...حرف حرف...يتسرب داخل دمى يسير بين شرايينى ..يلمس روحى.
"..وانساك واتارينى بنسى جفاك ....واشتاق لعذابى معاك
والقى دموعى فاكراك...ارجع تانى."

أنظر لفنجان الشاى ...سارحه...فى ايام ...لحظات... من عمرى.
.."فى لقاك الدنيا تجينى ومعااااااااااك ورضاهاااا يبقى رضاااااااااك
وساعتها يهون فى هواك طول حرمانى..."
اسأل نفسى حائره..من المسؤل عن ايقاظ الأوجاع ...حليم أم الليل!!

"واراعيك واصحى من الليل اناديك وابعت روحى تصحيك قوم ياللى شاغلنى بيك جرب نارى.. "
..اتعجب كثيرا من الليل كونه هادئا وفيه تصرخ كل القلوب !!!


"اهواك....واتمنى لو انساك وانسى روحى وياك...
بالطبع تذكرتك..وكيف لا يتذكر البحر موجه الازرق وكيف لا يتذكر القمر الليل وهما متلازمان
تذكرتك مثل ما تتذكر الأغنيه اللحن ..والشفاه للكلمه..والعين للنظر
تذكرتك رغم انى اختلف مع حليم..فأنا لا اتمنى ان انساك.

هناك 18 تعليقًا:

  1. العندليب لو سمع التعليقات كان طلع غنالك بنفسه ههههه
    ربنا يسعدك يا رب ويجعل أيامك كلها سعادة وأوقات جميلة
    تحياتى

    ردحذف
    الردود
    1. والله انت كلك ذووووووق
      تسلملى

      حذف
  2. قمر التدوين....
    لأول مره باحب الاغنيه دي و اركز فيها كده سرحت معاها لدرجة اني قرأت البوست امبارح وطول اليوم بادندن الاغنيه
    البوست حاله رائعه عشت جوه منها وتخيلت كل تفاصيله وعلى رأي جمال لو حليم قرأ البوست كان غني لكي لوحدك...
    يارب عام 2016 يكون عام تحقيق الأحلام والأماني لكي وكذلك عام التألق

    ردحذف
    الردود
    1. حبيييييييبه قلبى اناااااا
      ايه التعليق الجميل ده
      انا سعيده انك عشتى الحاله دى معايا
      والله تعليقك فرحنى اوى حسيت بالمشاركه
      بحد شكرا لذوقك انتى وجمال

      تحياتى وسعيده بوجودك الرائع
      كل سنه وانتى طيبه ياسكر

      حذف
  3. ختام البوست راااائع

    وكأني كنت سامع عبد الحليم وهو بيغني
    كأني كنت شايف مشهد حي ومباشر وصورة بتترسم بكلامك
    وكإني فعلا كنت جوه الحاله نفسها !!

    واللي يوصلني لكدة لازم يكون أسلوبه مميز أو إن كلامه في منهى الصدق ... فما بالك إن الأسلوب مميز يمتزج مع الصدق الخالص والحقيقة المجردة !!

    والله أحسنتم أختنا
    أسعدكم الله ورزقكم ما يقر به عينكم :)

    ردحذف
    الردود
    1. حمدالله عالسلامه
      اهلا بالامير
      والله انا كتبته بتلقائيه
      انا سعيده انه عجبك والله
      تحياتى وشكرا لمرورك الجميل ده وياريت مش تغيب تانى

      حذف
  4. دائما ما تهاجمنا الذكريات
    اما فى اسعد اللحظات ... او وقت النوم
    وتلك الذكريات تقوم بجريمة افساد لحظات سعادتنا مع سبق الارصرار والترصد

    البوست ناعم جدا
    واصبح للاغنيه بعدا اخر جميل جدا

    تحياتى

    ....

    ردحذف
    الردود
    1. أنا سعيده انه نال اعجابك
      سعيده بزيارتك جدا
      اجمل تحياتى

      حذف
  5. تقاطع عذب وآسر
    :)

    كل سنة وحضرتك طيبة وبألف خير وصحة وسعادة ،، عام سعيد عليكِ وعلى أسرتك الكريمة
    :)

    ردحذف
    الردود
    1. وانت طيب وبالف خير يارب
      شكرا لمرورك الجميل

      حذف
  6. من اجمل الاغنيات لعبد الحليم ، الرائع انها ترتبط بذكريات مختلفة عند كل حد فينا

    ردحذف
  7. ياعيني على قلبك ياقمر
    عام سعيد عليكِ وعلى كل ناسكِ وياربي يمر بأجمل ما تتمنين

    ردحذف
    الردود
    1. يااااااه وحشششتيتى جداااااا
      فينك كل ده كنتى فين
      كل سنه وانتى طيبه ويارب دايما منورانة
      سلامى لاحلى طيف

      حذف
  8. الشاي الأخضر بدون سكر
    روعة
    والباقي مليش فيه :))

    ردحذف
    الردود
    1. انا احبه بدون سكر
      واللى انت مالكش فيه انا ليا فيه

      حذف
  9. مساء الفل عليكى ياقمر
    جميله هى الذكريات حين تأخذنا
    لعالم الامال الامنيات الجميله
    اسعدك الله وراضاكى حبيبتى

    ردحذف
  10. أيه افندماج الرائع ده
    تسلم إيدك ورحم الله حليم

    ردحذف

قول رأيك بصراحه....سعيده بمروك هنا