الأربعاء، 22 أبريل، 2015

هيبتا







هى روايه للكاتب محمد صادق وقد نالت اعجابى بشده خاصه اسلوب الكاتب الشيق وإبحاره العميق فى خبايا النفس البشريه وانا يستهوينى جدا هذا النوع من الكتب والروايات.
هيبتا هو رقم 7باللغه الاغريقيه ويوضح الكاتب من وجهه نظره ان العلاقات لا بد وان تمر ب7مراحل ولكل مرحله شكلها الخاص وايجابياتها وسلبياتها وهنا يقصد السبع مراحل فى الحب بين المرأه والرجل ومراحل تكونها وتطورها.
ومن وجهه نظر الكاتب ان ليس هناك نهايات فى اى علاقه لان لكل نهايه امتداد يبدأ به كل شىء جديد.
وكل مرحله تكلم عنها باستفاضه فى فصل كامل وهذه هى المراحل السبعه باختصار
1_البدايه
وقد تكون النهايات هى امتداد للبدايه
2_اللقاء
ومن قال ان من مجرد نظره العين يحدث العشق فقد كذب وانا اتفق معه بشده فى هذه النقطه وانا لا اؤمن ابدا بالحب من أول نظره ف هذه سخافات مراهقين.
3_العلاقه
وفى هذه المرحله يظهر كل طرف احلى ما عنده
4_الادراك
وهذه المرحله ليس المقصود بها ادراك العيوب.. لا فهى تعنى ادراك المسئوليه وهذه المرحله هى أغبى مراحل الهيبتا لان القرار فيها يأتى بدون دراسه. .ويكون القرار فيها قرار احتياج بمعنى "انا أريد ان اكمل هذه العلاقه"
وفى هذه المرحله يتكفل القلب أن يدارى كل العيوب عن العقل ويجعله فقط يشعر بالمسئوليه ان يكمل هذه العلاقه للنهايه
5_مرحله الحقيقه
وهذه المرحله يظهر فيها اسوأ المشاعر فى كل علاقه ومن هذه المشاعر ما يلى
الإمتلاك. .عدم التقدير..الاحتياج. .الغيره. .الشك. .التطبيع. .الملل
ولكن.هناك خمس حلول فى المرحله القادمه يعالجون مشاكل هذه المرحله
6_مرحله القرار
يحتوى على مشاعر خمسه تعالج سلبيات المرحله الخامسه وهى
الاحترام..الاحتواء..الصراحه..التضحيات...الصفقه
7_هيبتا
هى خاتمه المراحل كلها وفيها يقرر الانسان ان يكمل فى هذه العلاقه أم لا وهناك من يكون جبان جدا لدرجه انه يدخل فى علاقه زوجيه فاشله جدا ويستمر فيها وهناك من ينهى هذه العلاقه لانه غير قادر على الاستمرار والتكيف مع عيوب الطرف الاخر والفشل فى علاجها.
واخيرا ادعوكم لقراءه الروايه لفهم كل مرحله بالتفصيل
مع أرق تحياتى لكم
خالص تقديرى


هناك 12 تعليقًا:

  1. مساء الورد والسعاده

    اولا وقبل ما اتكلم عن بوست المره دى اشكرك عن ردك عليا فى البوست اللى فات واقسم بالله انى اتمتع بالتحاور معاكى جدا جدا وبانتظر كل مره تيجى تعلقى فى مدونة بالحب اتجمعنا لانى باحب التحاور وانتى كمان كده وكل واحد يقول رايه ونتناقش ربنا يديم المعروف
    ثانينا بالنسبه لروايه قراتها من فتره احد الاصدقاء اشرتاها واقترح عليا انى اقراها ولانه حد من اصدقائى الصغنيين وافقت لانه عاوز حد يتناقش معاه فيها ولا انكر انى فى الاول توهت شويه كده بس بمرور شوية صفحات عجبتنى جدا جدا ونهايتها كانت روعه بالنسبه لى عن جد تحفه وطول فترة القراءه اللى استمرت حوالى خمس ايام الى اسبوع قعدت افكر فى تقسيم مراحلة اى علاقه وخاصة علاقة الحب لاقيت ان ده اللى بيحصل على ارض الوافع وعاتقد ان اهم مرحله هى الادراك عشان كل واحد يشوف المسئوليه اللى تقع على عاتقه وياترى هيقدر يفى بالتزاماته واعقتد ان المرحله دى كمان بتفرق بين الحب والاعجاب

    فى روايه فى السوق اسمها كرافته من تاليف محمد فؤاد عيسى وهو من اصدقائى الموهوبين وعلى فكره فى الاصل هو مدون سابق هى روايه بوليسيه اجتماعيه اكشن وتنفع تبقى فيلم لو تحبى الجو ده انصحك بقرائتها وان شاء الله تعجبك
    مبسوطه اوى ان فى ناس لسه بتقرا وتتناقش كل الدعوات الرائعه التى تليق بقمر التدوين بالسعاده والحب وراحة البال

    ردحذف
    الردود
    1. زهراء الجميله الحالمه
      انا بجد بحبك اوى والله ودايما بحب وجودك هنا اوى ربنا يديم المحبه بينا ياقمرايه
      والله فعلا الروايه رائعه وواقعيه جدا جدا انا بالنسبه لى ان المرحله السابعه هى اهم مرحله لان القرار فيها بيكون قرار مصيرى جدا جدا لكن للاسف الكتير اوى فى الغالب بينجرف فى العلاقه ويكمل فيها رغما عنه أو استسلام أو ضعف منه او بيحاول انه يرضى وخلاص وهو مغمى عنيه الاتنين
      انا ياريت الاقى روايه كرافته عالنت لانى حاليا مش موجوده فىمصر عشان اشتريها

      شكلك بتحبى الاكشن ياقمره
      بجد عالم الروايات رائع جدا جدا خصوصا لو الروايه هادفه وبتضيف ليكى الكتير من المعلومات والخبره
      اسعدنى وجودك هنا يازهراء العسل
      تحياتى ليكى ياسكر

      حذف
  2. هيبيتا موجوده عندى بس مكدبش عليكى لسه مش قرأتها
    وبعد العرض الجميل لنبزه عن فكرتها اكيد إن شاء الله هقراها
    والكاتب قسم السبع مراحل كويس جدا وغالبا بيكملوا
    وقد تسقط القصة عند إحدى هذه المراحل
    سلم قلمك أختى الكريمة

    ردحذف
  3. شكرا ليك اخى جمال وشكرا لمرورك الرائع
    انصحك تبدأ فى قرائتها هتعجبك جدا ان شاء الله
    تحياتى ليك وشكرا لمشاركتك

    ردحذف
  4. ما شاء الله

    أحب هالنوع من الروايات

    احين بروح أشوف اذا بحصلها فالمكتبه و لا لا

    مشكوره :)

    ردحذف
    الردود
    1. دلوعه القمر
      هتلاقيها عندك عالنت موجوده حمليها ياقمر
      ولو بتدخلى من موبايل افتحى السوق بلاى وتكتبى هيبتا وحمليها عالجهاز
      خالص تحياتى

      حذف
  5. قمر المدونات
    الرواية واقعية لحد كبير
    وفيها يسرد الكاتب قصة الحب
    بكل ملاتبساتها ومن بداياتها إلى النهاية
    وعلى فكرة أنا بحب جداً الروايات الواقعية البعيدة عن الخيال
    خالص احترامى وتقديرى

    ردحذف
    الردود
    1. فعلا معاك حق
      لكن انا احب الروايات الواقعيه بشروط انى استفيد منها وانى اكتسب منها خبره وعلم غير كده مالهاش اى لازمه عندى
      لكن بعشق اوى القصص الخياليه بصراحه
      لان الواقع بقه ممل جدا
      تحياتى اخى وسعيده بمرورك ومشاركتك

      حذف
  6. انا محبتهاش خالص
    وكملتها بالعافية قلت جايز الاقي فيها شيء جديد بس معجبتنيش والصراحة حاسة انها أخدت اكتر من حقها في الشهرة والضجة المثارة حولها
    وفي الاخر كلها اذواق

    ردحذف
  7. مساء الورد ياقمر

    جميله اوى فكره القصه عجبنى تفسيرك لها وتلخيصها فى نقاط

    وانا كمان بحب القصص من هذه النوعيه وهحاول اقراها ان شاء الله

    ميرسى ياقمر لطرحك الشيق .. مساء الود

    ردحذف
  8. صباح الخير أختى قمر


    للأسف لم أقرأهاا
    ولكن سأبحث عنها لأقتنيهاا
    شكرا لكِ يا صديقتى

    صباحك باقات الأقحوان

    ردحذف
  9. معنى انك تشكري فيها يبقى أكيد رواية رائعة .

    رائع أن نقرا والاروع أن نحاور ونناقش والأكثر روعة أن نغار ونتنافس في القراءة !!
    ربنا ييسر الحال يارب ,

    ردحذف

قول رأيك بصراحه....سعيده بمروك هنا