الثلاثاء، 1 أبريل، 2014

هناك سكنت روحى





فى اطهر أرض. مكه المكرمه
زورتها مره واحده وهناك سكنت روحى فيها
كم اشتاق إليها وكم تشتاق روحى لها
كثير من الناس لم يرتاحوا بمكه وارتاحوا اكثر فى المدينه المنوره انما انا العكس تماما..
لم اجد متعتى وملاذ روحى الا بمكه
النظر فقط إلى الكعبه الشريفه عباده.
والطواف حولها متعه ما بعدها متعه
هناك عند الكعبه يزدحم الرجال بالنساء ولكنك لا تبالى. لا ترى غير النور الروحانى داخلك لا ترى غير بيت الله ولا تسمع غير الذكر.
ليس هناك مجال لرجل ينظر الى امراه او.تنظر امرأه الى رجل صدقونى هناك فقط تتفرغ كل حواسك لعباده ربك.
كثير من الناس يشتكون من مشقه السعى بين الصفا والمروه
ولكنى اختلف معهم فالسعى بالنسبه لى فعل روحانى ينعش الروح والقلب وفيه تفكر وتدبر وايضا متعه متعه متعه ليس فيه تعب ولا مشقه ولا عذاب كما يصفه البعض.
عندما تتعلق بأستار الكعبه يتعلق بثيابك رائحه المسك ولم يذهب طيب عطرها من ثيابك الا اذا غسلته بالماء والمساحيق.
فقط عند الكعبه تشعر بالقرب من خالقك تنسى هموم الدنيا وتنسى الاحزان حتى تنسى من كنت تدعوا لهم وتنسى ايضا ان تدعو لنفسك بالادعيه الدنيويه.
فقط تتذكر الآخره وتدعوا بحسن الختام.
هناك لا مجال لان تفكر فى الدنيا ومتاعبها. تنسى هناك كل شىء
اما عن الحجر الاسود:فهناك ازدحام رهيب وخطير حوله وهنيئا لك ان كتب الله لك ان تصل للحجر الاسود وتقبله فإذا مسحت عليه بيديك مسح الله ذنوبك جميعا.
حتى أسواق مكه تختلف عن اى سوق فى العالم
فى اسواق مكه ايضا تشعر بروحانيات وايضا فى شوارعها وجبالها
هناك حين تسير فى الشارع تجد ان كل الناس اهلك وكإن كل الناس تعرفك. كلهم يسلمون عليك ويداعبون اولادك ويقبولونهم
هناك بشر من جميع الاجناس من مختلف انحاء العالم ولكنك تشعر انهم جميعا يعرفونك ويتكلموا معك ويعزمون عليك بالاطعمه والمشروبات وياخذون معك الصور الفوتوغرافيه.
انا عندما ذهبت لمكه خرجت مع حمله وكان جميع افرادها من جنسيات مختلفه وكنت انا وثلاثه مصريين وباقى الفوج هنود وباكستانيين وكوريين والبعض من اندونسيا ولكن شعرت معهم كأننا روح واحده وعائله واحده
قضيت فى مكه اجمل واحلى ايام حياتى واتمنى ان يكون لى نصيب فى زيارتها قريبا ان شاء الله
 .................
 بعض الصور من مكه معظمها من تصويرى




ده اثر قدم سيدنا ابراهيم على الحجر


ده منظر للكعبه من فوق


ده سوق فى مكه

هنا السعى وده بدايه الصفا

هنا منظر تانى للسعى وعند الضوء الاخضر ده الرجاله بتبدأ تهرول


ده منظر الحرم من الخارج












ده اكبر فندق فى مكه ويقع امام الحرم مباشره






ده الركن اليمانى للكعبه












ده جبل الشاهد كان وقف عليه الرسول وقال خطبه الوداع





ده باب الكعبه



وده الجبل اللى فيه غار حراء
























هناك 31 تعليقًا:

  1. هنيئا لكى بهذه الزيارة
    وأتمنى أن تتكرر
    فى الأماكن المقدسه يوجد الكثير من التناغم اذ تكون القلوب صافيه ليس لها هدف سوى التعبد والإحساس بمتعة هذا التعبد
    ربنا يبارك فيكى وتعيدى الزياره مرات أخرى لكى تستمتعى أكثر بها
    تحياتى

    ردحذف
    الردود
    1. اتمنى والله ان ازورها قريبا واياك ان شاء الله
      فعلا معاك حق فى هذه الاماكن فقط تشعر بالتناغم الروحانى وصفاء القلب
      تحياتى لك
      سعيده بمرورك هنا

      حذف
  2. أولا أهلا بيكي ونورتي بيتك ومطرحك
    وكمان الكلام عن الأماكن دي بيقى مميز جدا ومنشبعش أبدا منها مهما فضلنا فيها ومنزهقش من كتر الكلام عنها هي أرض مشى عليها رسول الله - صلى الله عليه وسلم - طهرها الله وكرمها

    بجد أغبطك على زيارتك ربنا يكتبهالك تاني ويكتبهالنا ويمتعنا بالرحلة كلها .. اللهم آمين .


    ثم بقى كان لازم يكون في توضيح ولو صغير تحت كل صورة :)

    عموما ولا يهمك ... إن شاء الله لما اروح هناك هبقى اشوف بنفسي D:

    دمتم بخير وتقبل الله منا ومنكم .

    ردحذف
    الردود
    1. عشان خاطرك انت انا كتبت على الصور وزودت صور كمان
      يلا اتبسط
      ربنا يكتبلك زياره مكه يارب وتعمل عمره وتحج كمان وتشوف كل ده بنفسك وعلى الطبيعه

      حذف
  3. هنيئا لكِ الزيارة و ربنا يكتبهالك مرارا و تكرارا و يكتبها لنا
    و اتمنى ان يكون ختام حياتي هناك حتى و لو مازلت شاب و ان يكون قبري في البقيع

    و تسلم ايدك ع الصور الجميلة :)

    ردحذف
    الردود
    1. تسلم ربنا يكرمك يارب
      اسعدتنى زيارتك
      ويارب تزور مكه فى اقرب وقت ربنا يكتبهالنا جميعا واياك ان شاء الله

      حذف
  4. ربنا يوعدنا جميعا .. لقد طال الاشتياق لزيارة بيت الله ومسجد الحبيب

    مبارك عليك غاليتى زيارة بيته العتيق .. صور رائعه احسنتى والله

    مودتى وحبى

    ردحذف
    الردود
    1. امين يارب
      تسلميلى حبيبتى
      نورتينى يابسومه

      حذف
  5. أنا بكيت كم اشتاق لزيارة مكة المكرمة والمدينة المنورة!

    ويارب تزوريها قريبًا وجميع المسلمين:)

    ردحذف
    الردود
    1. حبيبتى نيللى
      ربنا يكتبلك زياره بيته الحرام وزياره رسوله الكريم
      امين يارب ويقر عينك بهذه الزياره

      حذف
  6. وحشتينى اووووووووووووووى يا روح روووووووووحى

    ردحذف
  7. الف مبروك عزيزتى ربنا يتقبل

    ردحذف
    الردود
    1. حبيبتى حمد الله على السلامه فاجئتينى برجوعك بجد مبسوطه اوى اوى
      وحشتينى موت موت موت مووووت

      حذف
  8. الله أكبر. بحق رائع، أسأل أن يكتب لي وللجميع زيارة بيت الله.
    أغبطك أختي الكريمة
    تقبل الله

    ردحذف
    الردود
    1. شكرا لك اخى واتمنى من الله ان يستجيب دعائك اللهم امين ويكتب لك زياره بيته الحرام ويكتبها لنا جميعا اللهم امين

      حذف
  9. هنيئاً لكِ.. وياربي يرزقنا الزيارة

    ردحذف
    الردود
    1. اللهم امين
      شكرا لمرورك الجميل

      حذف
  10. على فكره بقى الواحد فى مكه بينسى نفسه وروحه وحياته ودنيته ميفتكرتش اى حاجه تانيه غير بس المكان اللى هو فيه مع ربنا فى كل مكان وفى اى زمان الكعبه النظر ليها عباده والصلاه بميت الف صلاه
    الحمد لله ربنا يوعدنا يارب نزور تانى

    ردحذف
    الردود
    1. امين يارب ربنا يكتبلنا زيارتها تانى وما يحرمنا ابدا
      معاك حق هناك بتنسى كل شىء حتى نفسك هناك بجد متعه الروح

      حذف
  11. هنيئا لكِ بزيارة بيت الله الحرام وروضة الحبيب المصطفى صل الله عليه وسلم
    اللهم ارزقنا زيارة بيتك
    اللهم آمين
    ماشاء الله
    بارك الله فيكِ
    لكِ أرق وأطيب تحياتى

    ردحذف
    الردود
    1. شكرا لك اخى
      وسعيده جدا بمرورك هنا
      واتمنى ان زيارتك تتكرر دايما
      جزاك الله خيرا تحياتى لك

      حذف
  12. الله
    ربنا يكتب لنا هذه الزيارة جميعا
    اتمناها جدا واتمني ان اعيش هذا الجو الروحاني وان أذهب هناك واقضي اطول وقت ممكن
    تصويرك جميل جدااا
    واستغربت اماكن كنت اتوقعها بشكل اخر مثل الصفا

    ردحذف
    الردود
    1. حبيبتى ربنا يكتبهالك يارب
      جبل الصفا يادوب ظاهر قمه الجبل بس ومحاط بزجاج والارض سيراميك ماعدا قمه الجبل والمسافه بين الصفا والمروه سيراميك ايضا ودى رحمه لينا لان تخيلى لو كانوا سابوا الطريف كله زلط وطوب زى ما كان الاول كان كل العدد ده من الناس مشيوا ازاى بين الصفا والمروه وطلعوا الجبل كان زمانهم وقعوا فوق بعض وناس تتجرح وناس تموت لان.هناك اعداد هائله وايام.زمان كانت السيده هاجر هى اللى سعت بين الجبلين لوحدها فكان آمان

      حذف
  13. الردود
    1. انا تمام ياقلبى انتى عامله ايه وحشانى

      حذف
  14. السلام عليكم

    وهل يوجد اجمل ولا احلي من ذلك ربنا يوعدنا بزيارة هذة الاماكن الطهرة المقدسة

    موضوع ممتاز ربنا يباركلك ويجعلة في ميزان حسناتك قمر

    تحياتي واحترامي

    ردحذف
  15. اهلا بيك
    والله سعيده بزيارتك الجميله دى
    وفعلا معاك حق
    وربنا يكتبهالك يارب
    تحياتى لك ولمرورك الطيب الكريم

    ردحذف
  16. الردود
    1. شكرا ليك وعقبالك بإذن الله نورتنى

      حذف
  17. بقالي فترة طويلة بحاول اوصل للموضوع لكن يظهر ان كمية الصور الكبيرة كانت بتصعب العملية خصوصا مع جهاز زي بتاعنا
    زيارة مبروكة باذن الله وربنا يجمعنا في هذه الاراضي المقدسة قريبا ان شاء الله
    تحياتي

    ردحذف
  18. شركة تنظيف بمكة
    شركة تنظيف فلل بمكة هي شركة صقر البشير, نقوم باستخدام افضل طرق التنظيف التي لا تضر بمفروشات منزلك
    اهم مايميز شركة صقر البشاير هو تقديم كافة خدمات تنظيف المنازل من تنظيف شقق, تنظيف فلل, تنظيف سجاد بمكة, تنظيف الكنب والانتريهات, تنظيف الاجهزة والكهربائية هو اننا لدينا متخصصون مؤهل ومدرب جيداً على طريقة التنظيف مع استخدام انواع المنظفات والمواد الممتازة
    شركة تنظيف فلل بمكة
    شركة تنظيف منازل بمكة
    اتصل بنا على 0500941566
    http://www.elbshayr.com/5/House-clearance

    ردحذف

قول رأيك بصراحه....سعيده بمروك هنا